قال المغني الشعبي مجدي شطة، عن أغنيته الجديدة "محدش فينا نمبر وان"، والتي تهكم فيها على أغاني محمد رمضان وبشرى، إنه يعتبر "الأسطورة" مثله الأعلى، لكنه ليس نمبر 1 في الغناء، وربما يكون رقم 1 في التمثيل فقط.. وظهر مجدي شطة في الكليب الذي حقق 1.5 مليون مشاهدة في 4 أيام، بملابس تشبه ملابس محمد رمضان في كليب "مافيا" وتبدو ألحان وكلمات الاغنية شبيهة بما يقدمه النجم الأسطورة، فبدل ان يقول "أنا مافيا"، قال مجدي شطة "أنا شطة".
مجدي شطة: محدش فينا نمبر ون!
ورغم التشابه بين كليبي محمد رمضان ومجدي شطة، ورغم أن الأغنية الشعبية "محدش فينا نمبر وان" حققت عدد مشاهدات غير متوقع على موقع اليوتيوب وصلت إلى مليون ونصف في 4 أيام، لكن الملاحظ ان عدد اللايكات كان اقل بكثير من عدم الاعجاب.. فقد حصل الكليب على 29 ألف لايك، مقابل 50 ألف عدم إعجاب، وهذا يدل على عدم تقبل الجمهور الاغنية، وكون عدد المؤيدين اقل بكثير من المنتقدين للعمل..
مجدي شطة: محمد رمضان مثلي الأعلى لكنه ليس رقم 1!
وكانت قد ظهرت في الآونة الأخيرة بعض أغنيات الفنان محمد رمضان، مثل "نمبر وان"، "الملك"، "مافيا" وغيرها.. ووجه من خلالها رسالة بأنه الأفضل، مما اثار عليه العديد من الفنانين محتجين ومنهمين "الأسطورة" بالغرور، ومنهم الفنانة بشرى التي ردت عليه بفيديو كليب ساخر هو "كوبرا" وانتقدته فيه بشكل واضح وعلني وأكدت له ان القطة غلبت الملك وان افعى الكوبرا لدغته.. اقرأ المزيد من التفاصيل في موقع فرفش بلس هنا: فيديو بشرى تسخر من محمد رمضان: ملك الغابة لدغته كوبرا وهبشته قطة!
حلمي بكر: الشحاذ في الشارع يغني احسن من مجدي شطة!
وبعدها قام المطرب الشعبي مجدي شطة بطرح فيديو كليب جديد يحمل اسم "مفيش حد نمبر وان"، هاجم فيه محمد رمضان وبشرى.. وزادت معركة الجدل في مواقع التواصل الاجتماعي، بين مؤيدين لهذا النوع من الأغاني وبين معارضين، ومن التعليقات على فيديو كليب "مفيش حد نمبر وان" ما بين سلبا وايجابا:
- رضوى رفعت: دلوقتي كل واحد عايز يشتهر أكثر والناس تعرفه، يستغل محمد رمضان ويهاجمه زي بشرى عملت كدا وبعدها مجدي شطة دا!
- أسماء عبد المقصود: يا بني دا صوتك وحش جدا بجد وانا مش بهزر
- كابتن: ربنا ينتقم منكم بأمراض ما تلقولهاش علاج انت و محمد رمضان واللي زّيكم! بوظتم جيل كامل
- نور: فرق بين اللايك والديس لايك 20 الف ديس لايك!.. دي عمرها ما حصلت في فيديو...
- عبد الله: انا من عشاق محمد رمضان وكنت بدافع عنه ايام ما طّلع اغنية نمبر ون.. وثانيآ انا ماعرفش مجدي شطه .. لكن فيها ايه لو مجدي شطه اتشهر على اسم محمد رمضان؟ طيب مهو محمد رمضان نفسه اشتهر على اسم احمد ذكي، وكان الكل يقول عليه انو عمره ما هيكون نجم لكن دلوقتي اصبح نمبر وان..
- عمر مختار: عشنا وشوفوا الكلاب بتهبهب على أسيادها!
- أبو روان: الله يخرب بيوتكم مليتو البلد!! مين شط ده؟؟
- عمرو عبد المنعم: احا هو بقه اي زبال يطلع يغنى؟ البلد باظت من الاشكال دي اكتر ما هى بايظه! شطه مين يا ...؟؟
- سيف الجوكر: انت نمبر وان يا شطه- مطريه وعاش!
- محمد محي: أنا كنت بحب أغانيك يا شطه بس زعلت علشان بتتريق على محمد رمضان.. نصيحة مني خليك في المهرجانات بتاعتك و سيبك من الكلام دا!
- فارس الجزار: مش هسمع اغاني تاني
- اسلام أنور: بطل حك مع محمد رمضان علشان هو مش شايفك ولو شافك هيعمل منك فوانيس رمضان
- مينا فكري: حبيبي يا مجدي شطه والله انا بحبك فعلا علشان انت انسان طيب وجدع
- أحمد طارق: فعلا هاني شاكر عنده حق و احترام و تقدير انه رفض يدخله في نقابة الفنانين
- Kojii: انا افتكرت ان محمد رمضان و بشرى جابو اخر الانحدار ولكن طلع مالوش اخر!
- عبد الله: بصراحه احنا شعب مصر ام الدنيا لكن بنشوف الاغلبيه ونمشي وراها. طيب اكتر الناس بتقول شكله مش مقبول ، لكن مهو شبه محمد رمضان! ولا يمكن علشان دا غلبان؟ هي دي بلدنا الغلبان ملوش مكان ، واقسم بالله اني انا معرفش مجدي شطه لكن نفسي اقبله وبتمني انه يستمر
للتواصل معنا 